Ciidamo ka tirsan Puntland ayaa maanta lagu qarxiyey degaanka Sugurre ee duleedka Magaalada Boosaso ee Xarunta Gobolka Bari.
Qaraxa ayey wararku sheegayaan in loo adeegsaday miino wadada dhinaceeda lagu aasay oo meel durugsan laga hagayey.
Goobjoogayaal ayaa sheegay in kolonyo gaadiidka Ciidamada Puntland ah oo ku wajahnaa degaanka Af-urur qaraxa lala eegtay.
Askari ka mid ahaa ciidamadii la socday gaadiidkaas ayaa la sheegay inuu ku dhaawacmay qaraxaas
Wararka ayaa waxaa ay intaasi kudarayaan in Ciidamada Puntland ee qaraxa lala beegsaday ay fureen rasaas farabadan, taas oo aan wax khasaaro ah ka dhalan.
Qaraxan ayaa yimid saacado ka dib markii saaka waaberigii Al-Shabaab ay weerar madaafiic ah ku qaadeen Saldhiga degaanka Af-urur ee Gobolka Bari.
Xafiiska Shabakada Allbanaadir.com
Muqdisho Somalia
Allbanaadir@live.com
