Xarakada Al Shabaab ayaa maamulkii gobolada Baay iyo Bakool oo mar hore hal hogaan u lahaa kala qaaday una magacawday Gudoomiyaal cusub oo kala hogaamin doona labada gobol ee Baay iyo Bakool.
Maktabka Siyaasada iyo xiriirka gobolada ee Al Shabaab ayaa xilkii ka qaaday Gudoomiyihii hore ee gobolada Baay iyo Bakool Sheekh Cabdullaahi Macalim Geedoow oo sanado badan ahaa gudoomiyaha labada gobol ee Baay iyo Bakool.
Al Shabaab ayaa gudoomiyaha cusub ee u qaabilsan gobolka Baay u magacaabay Sheekh Xamsa Abu Jacfar halka Gudoomiyaha cusub ee gobolka Bakool isna loo magacaabay Sheekh Cusmaan Abu Cabdi Raxmaan.
Maamulka Al Shabaab ee gobolada Baay iyo Bakool ayaa soo maray ilaa sadex hogaan, waxaana Hogaamiyaasha Al Shabaab ee soo maray maamulka gobolada Baay iyo Bakool kamid ahaa Hogaamiyaha guud ee Al Shabaab Sheekh Axmad Cumar Abu Cubayda.
Xafiiska Shabakada Allbanaadir.com
Muqdisho Somalia
Allbanaadir@live.com
