Dagaalamayaasha Daalibaan ayaa la sheegay inay inta badan la wareegeen Gobalka Panjshir oo ay haysteen Kooxda Xoogaga Iska-caabinta Daalibaan ee NRFA.
Afhayeen u hadlay kooxda Daalibaan, waxa uu shaaciyey inay si buuxda ula wareegeen Gobalkaasi ayna carareen hogaamiyaasha kooxdii dagaalka kula jirtay.
Qoraal uu soo dhigay Barta Twitter-ka ee Daalibaan ayuu ku yiri: “Gobalka Panjshir waxa uu soo galay Kontoroolka Imaaradda Islaamiga er Afganistaan”.
Dhinaca kale, Dagaalamayaasha Daalibaan waxay dabaaldeg ka dhigeen Caasimada dalkaasi ee Kabul, iyago rasaas Hawada Sare u ridayey.
Madaxda Kooxda Iska-caabinta Gobalka Dooxada Panjshir waxaa la sheegay inay u baxsadeen dalka Tajakistan, kadib markii ay Daalibaan gudaha u soo galeen Gobalkaasi.
Higgaamiyihii Jabhadda Iska-caabinta, Axmed Mascuud Madaxweyne-ku-xigeenkii dalkaasi, Amrullah Saalax waxay u baxsadeen dalka Tajakistan oo deris la ah Afganistan.
