Wararka ka imaanaya magaalada Baardheere ee gobolka Gedo ayaa sheegaya in halkaasi isku dileen labo askari oo katirsan ciidamada Itoobiya ee qeybta ka ah howlgalka nabad ilaalinta ee AMISOM.
Goobjoogayaal ayaa ku waramay in labadan askari gudaha magaalada isku dileen kadib khilaaf soo kala dhax galay, waxaana wararku sheegaayaan in sababta ay isku dileen labada askari ay salka ku heyso colaada ka aloosan gobolkaTigrey.
Labada askari ee is dishay ayaa kasoo kala jeeda qowmiyadaha Tigrey iyo Amxaaro oo hada colaad u dhaxeyso, waxa ayna labadan askari kawada howlgalayeen xeri kutaala gudaha Baardheere.
Askar kale oo Itoobiyaan ah ayaa sababo la xiriira colaada ka aloosan gobolka Tigrey horey isugu dilay gudaha Soomaaliya gaar ahaan Baydhabo, waxaana hada muuqaneysa in colaada ka aloosan gudaha Itoobiya saameysay ciidanka Itoobiya ee jooga Soomaaliya.
Xafiiska Shabakada Allbanaadir.com
Muqdisho Somalia
Allbanaadir@live.com
