wKusimaha Madaxweynaha ahna Madaxweyne Kuxigeenka Dowladda Hirshabeelle Mudane Yuusuf Axmed Hagar ayaa xalay munaasabad casho sharaf mahadcelin ah u sameeyay Bulshada Magaalada Beledweyne.
Dabageed ayaa munaasabada casha sharafta uga mahadceliyay Maamulka Gobolka Hiiraan, Kan Degmada Beledweyne, Ciidamada Qalabka Sida iyo Fananiinta Qaranka Soomaaliyeed ee si habsamida leh isugu dubariday munaasabadaha maalmaha xuriyada ee Magaalada Beledweyne lagu qabtay.
Kusimaha Madaxweynaha oo munaasabada ka hadlay ayaa Bulshada Magaalada Beledweyne ugu baaqay ka shaqeynta Amniga, isagoo sheegay in Dowladda Hirshabeelle diyaar u tahay inay la fariisato oo ay qanciso cidwalba oo wax tabanaysa.
Waxaa uu sidoo kale ka hadlay Arrimaha Doorashooyinka, isagoo tilmaamay in dhowaan ay bilaaban doonaan doorashooyin Aqalka Sare oo si cadaalad ah ay u maamuli doonaan, waxa uu intaa ku daray in bulshada Magaalada Beledweyne ay u diyaar garowaan Doorashooyinka Golaha Shacabka iyo marti gelinta ergooyinka wax dooranaysa.
Xafiiska Shabakada Allbanaadir.com
Muqdisho Somalia
Allbanaadir@live.com
