Ra’iisul Wasaaraha xukumadda Federaalka Soomaaliya Mudane Maxamed Xuseen Rooble ayaa ku casuumay madaxda dowlad goboleedyada shirka Golaha Wadatashiga Qaranka shir Sabtida ka dhacaya Muqdisho.
Maxamed Xuseen Rooble ayaa sheegay in shirkaas la isaga wareysanayo howlihii ka qabsoomay arrimaha doorashooyinka tan iyo heshiiskii 27-kii May iyo dardar gelinta shaqooyinka harsan.
Go’aankan ayaa ka soo baxay wadahadal xalay qadka Zoom-ka ku dhexmaray Ra’iisul Wasaaraha Somalia Maxamed Xussen Rooble iyo Madaxda Dowlad Goboleedyada iyo Guddoomiyaha Gobolka Banaadir.
Dhinaca kale, waxaa la filayaa in Ra’iisul Wasaaraha uu magacaabo Guddiga dib u heshiisiinta Heerka Wasiir ee afarta Dowlad Goboleed oo aan ku jirin Jubbaland, kuwaasoo Garbahaarey u tagaya xalinta arrinta Gedo, talaabadan ayaa qeyb ka aheyd heshiiskii dhexmaray Rooble iyo madax goboleedyada.
Xafiiska Shabakada Allbanaadir.com
Muqdisho Somalia
Allbanaadir@live.com
