Wasaaradda Caafimaadka Xukuumada Soomaaliya ayaa ka warbixisay xaaladihii ugu dambeeyay cudurka Covid-19 oo kusii baahaya magaalada Muqdisho iyo qaar kamid ah maamul goboleedyada dalka.
Warbixintii ugu dambeesay oo maanta soo saartay Wasaarada Caafimaadka ayaa lagu sheegay in 24-kii saac ee la soo dhaafay la diiwaan geliyay 244 xaalado cusub oo COVID-19,waxaana cudurkan u dhintay 18 qof halka ay ka bogsadeen 61 ruux.
Dadka ugu badan ee cudurkan laga helay ayaa kunool deegaanada maamulka Puntland waxaana 24-kii saac ee lasoo dhaafay Puntland laga diiwaan galiyay 152 kiis halka gobolka Banaadir laga helay 29-qof , maamulka Somaliland ayaa laga helay 45-qof.
Guud ahaan Tirada xaaladaha COVID-19, ee dalka laga diiwaan geliyay ayaa gaartay 9,190, waxaa ka bogsootay cudurkaasi 4, 230 Ruux. halka ay u dhinteen dad gaaraya 367 ruux.
Xafiiska Shabakada Allbanaadir.com
Muqdisho Somalia
Allbanaadir@live.com
