Ra’iisul wasaaraha Xukuummadda Soomaaliya Mudane Xasan Cali Khayre, ayaa maanta kormeer ku tagay garoonka Diyaaradaha Balli-Doogle ee gobolka Shabeelaha Hoose, halkaas oo saldhig u ah ciidamo Mareykan ah oo tababara Kumaandoosaka Somalia.
Xasan Kheyre Kormeerka uu ku tagay Garoonka Balli-Doogle waxaa ku wehliyay Wasiirka cusub ee Wasaarada Gaashaandhigga Soomaaliya, Taliyaha Ciidanka Cirka , Abaanduulka Ciidanka Milaariga iyo saraakiil kale oo Milatariga katirsan.
Ra’isul Wasaaraha Soomaaliya ayaa u kuur galay xaalada ciidanka Kumaandooska Soomaaliya ee Danab , waxa uuna warbixino ka dhageestay Saraakiisha ciidankaasi ee ku sugan Saldhiga Balli-Doogle.
Booqashada Kheyre ku tagay Saldhiga Balli-Doogle ayaa noqoneysa tii labaad uu halkaasi ku tago, waxaana saldhigaasi ku sugan Ciidamo Mareykan ah oo aad u qalabeysan kuwaa oo Kumaandooska Somalia ka taageera dhinaca tababarada iyo Howlgalada.
Xafiiska Shabakada Allbanaadir.com
Muqdisho Somalia
Allbanaadir@live.com
