Gaari tagsi ah oo galabta ka baxay magaalada Kismaayo ee gobolka Jubada hoose kuna sii jeeday degaanka Dhoobley ayaa la soo sheegayaa inuu qarax ku qabsaday meel ku dhow degaanka Taabta.
Wararka ayaa sheegaya in gaarigan oo ay la socdeen 7 qof oo shacab ah ay la kacday miino wadada ku aasneyd oo uu dulmaray caawa salaadii maqrib ka dib.
Goob joogayaal ayaa sheegaya in qaraxaas ay ku dhinteen dhamaanba todobadii qof ee la socday gaarigaas oo ay ku jireen darawalka iyo Ilmo yar oo lix bilood jira.
Meydadka dadkan ayaa la sheegay in caawa loo qaaday degaanka Dhoobley ee gobolka Jubada hoose si loogu wareejiyo dad eheladooda ah oo halkaas degan, ka dibna loo aaso.
Ma jirto illaa hadda Al-Shabaab iyo maamulka Jubbaland cid ka hadashay dhacdadan uurkutaalada leh ee qabsatay shacabkan aan waxba galabsan ee mar kaliya ku dhamaaday qaraxa qabsaday gaarigooda.
Xafiiska Shabakada Allbanaadir.com
Muqdisho Somalia
Allbanaadir@live.com
