Askari ka tirsan ciidamada amaanka DF ayaa saaka ku dilay magaalada Muqdisho wiil dhalinyaro ah oo magaciisa lagu sheegay Liiban Abeesow.
Dilkan ayaa ka dhacay agagaarka isgoyska Ex-kontrol Afgooye ee magaalada Muqdisho ka dib markii muran uu soo kala dhex galay askarigan iyo wiilka dhalinyarada oo ka mid ahaa dhalinyarada ku shaqeysta mooto labo lugooleyda (Fekon) sida dad goob joogayaal ah ay warbaahinta u sheegeen.
Askariga dilka geystay ayaa goobta ka baxsaday, iyadoo daqiiqado ka dib ay halkaas gaareen ciidamada amaanka DF oo baaritaano kooban sameeyey.
Dilalka noocan ah ee ciidamada dowladu kula kacaan dadka shacabka ah ayaa had iyo jeer ka dhaca magaalada Muqdisho iyo degaanada kale ee ay ku sugan yihiin ciidamada.
Xafiiska Shabakada Allbanaadir.com
Muqdisho Somalia
Allbanaadir@live.com
