Ciidamo katirsan Asluubta Soomaaliya ayaa maanta qeybo kamid ah magaalada Muqdisho waxa ay ka aruuriyeen caruur iyo dhalinyaro darbi jiif ah kuwaa oo ku dhibaateesnaa wadooyinka iyo goobaha qashin qubka ah.
Ciidamada Asluubta ayaa si gaar ah dhalinyaradan darbi jiifka ah maanta uga aruuriyay Suuqa Degmada Xamar Weyne iyo Isgoyska Umbolotooriyo Celgaabta oo kamid ah goobaha ay dhalinyaradan joogaan.
Howlgalka ciidamada Asluubta ku aruurinayeen caruurta darbi jiifka ah ayaa lagu qabtay 25-kamid ahaa dhalinta darbi jiifka ah, waxaana loo qaaday xarun loogu tala galay in lagu xanaaneeyo sidoo kale lagu dhaqan celiyo.
Magaalada Muqdisho wadooyinkeeda waxaa jooga caruur iyo dhaliynaro badan oo darbi jiif ah oo ku tacdareesan wadooyinka, mana jirto cid si gaar ah caruurtaasi isugu howshay in ay u gar gaaraan kana wadaan wadooyin si ay u helaan dhaqan celin iyo nolol wanaagsan.
Xafiiska Shabakada Allbanaadir.com
Muqdisho Somalia
Allbanaadir@live.com
