Xaflad xilka ay kula kala wareegayeen Madaxweynaha cusub Galmudug Axmed Cabdi Kaariye (Qoorqoor) iyo Madaxweynihii hore Axmed Ducaale Geele (Xaaf) ayaa caawa lagu qabtay caasimada Galmudug ee Dhuusamareeb.
Waxaa munasabadaas ka qeyb galay xubno ka tirsan labada gole ee baarlamanka Somalia, masuuliyiin kala duwan iyo qeybaha bulshada.
Xaaf ayaa goobta ay ka dhaceysay Xafladda ka sheegay in uu tanaasulay isla markaana uu la shaqeyn doono Madaxweyne Qoor Qoor iyo maamulkiisa, isagoo alle uga baryey inuu xilkiisa la garab galo.
Madaxweynaha cusub ee Galmudug Axmed Cabdi Kaariye ayaa Madaxweyne Xaaf uga mahadceliyay sida uu maamulka ugu soo adeegay, iyo tanaasulka uu muujiyey oo uu sheegay inuu yahay mid taariikhda galay oo lama iloobaan ah.
Xafiiska Shabakada Allbanaadir.com
Muqdisho Somalia
Allbanaadir@live.com
