Ururka 83-aad, guutada 14-ka October ee xoogga dalka Soomaaliyeed iyo ciidanka NISA ee fadhigoodu yahay magaalada Marka ayaa si wadajir ah u fuliyey hawlgal qorsheysan oo lagu weeraray tuulooyin hoostaga degaanka Janaale ee gobolka Shabeellaha hoose oo Al-shabaab ay joogeen
Tuulooyinka kala ah Buule-arundi, Malable, Beeraha-baay iyo Busley-daa’uud ayay ciidamadu Qaranku ku burburiyeen goobo al-shabaab gabbaad u ahaa iyo Doon ay uga kala gudbi jireen labada dhinac ee Wabiga.
“Hawlgalkan guuleystay waxaa wadajir u hogaaminaayay taliyaha ururka 83-aad, guutada 14-ka October ee xoogga dalka Gaashaanle Maxamed Nuur iyo Taliyaha NISA ee degmada Marka Maxamed Sheekh” ayaa lagu yiri war ka soo baxay ciidamada xoogga dalka.
Xoogaga Al-shabaab ee ku sugnaa degaanadaas ayaa isaga baxay kaa dib markii ay ka war heleen duulaanka ku soo wajahan sida dadka degaanku sheegeen.
HOOS KA DAAWO SAWIRADA
