Wasaarada caafimaadka Xukuumada Soomaaliya ayaa horey u sheegtay nin kamid ahaa afar qof oo dalka dibadiisa ka yimid in laga helay caabuqa Caronavirus kadib baaritaan lagu sameeyay.
Ninkan iyo afar qof oo kale ayaa mudo 14-maalin ah karantiil ahaan ugu sugnaa goob gaar ah oo kutaala garoonka Aadan Cadde , waxaana ugu dambeyn Wasaarada caafimaadka dadkaasi sheegtay in ay caafimaad qabaan lana fasaxayo.
Qoraal kasoo baxay wasaarada caafimaadka oo ku qornaa luqada Ingiriiska ayaa lagu sheegay in ruuxii horey looga helay caabuqa Caronavirus labo mar kale oo baaritaan lagu sameeyay laga waayay caabuqaasi.
Wasaarada caafimaadka Dowlada Soomaaliya ayaa horey u sheegtay in sadex qof oo mid kamid ah ajanabi yahay laga helay Caabuqa Caronavirus, hasa ahaatee Hay’adda caafimaadka aduunka WHO ayaan wali xaqiijin in Soomaaliya laga helay Caronavirus.
