Waxaa sii kordhaya tirada dadka uu ku dhacayo iyo kuwa u dhimanaya caabuqa Caronavirus , waxaana wadamada caalamka ka socda dadaalo lagu doonayo in cudurkaasi halista ah looga hortago.
Dalka Talyaaniga ayaa noqday dalka ugu daran uu saameeyay cudurkan faafa ee Caronavirus, waxaana shalay kaliya dalkaasi la xaqiijiyay in cudurkan ay ugu geeriyoodeen dad ku dhaw 800-oo qof.
Dadka ugu badan ee u dhintay Cudurka Caronavirus ayaa kunoolaa dalka Talyaaniga, waxaana la xaqiijiyay in Talyaaniga kaliya Caronavirus ugu dhinteen ku dhawaan 5-Kun oo qof , waxaana dalka kusoo xiga Talyaaniga noqday Shiinaha uu kasoo bilowday Cudurkan.
Hey’adda Caafimaadka Aduunka ee WHO ayaa xaqiijisay in guud ahaa dadka u dhintay Cudurka Caronavirus ay gaarayaan 12,895 oo ku kala noolaa wadamo badan oo caalamka kamid ah , halka dadka uu haleelay cudurkan gaareen 300,097 oo qof.
Xafiiska Shabakada Allbanaadir.com
Muqdisho Somalia
Allbanaadir@live.com
