Guddiga qaban-qaabada Xaflada Caleemo-saarka Madaxda cusub ee Galmudugshaaciyay waqtiga la qabanayo Xaflada Caleemo-saarka Madaxda Galmudug.
Yuusuf Garaad Cumar oo ah Guddoomiyaha Guddiga Xaflada Caleemo-saarka oo qoraal soo dhigay bartiisa Faceebook ayuu ku sheegay in Xafladda Caleema-saarka Madaxweynaha Galmudug iyo ku-xigeenkiisa la qabanayo 26-ka Bishan Maarso.
“Wadatashi Madaxtooyada Galmudug ka dib, Guddiga qabanqaabadu wuxuu go’aansaday in xafladda Caleema Saarka Madaxweynaha Galmudug iyo Madaxweyne ku Xigeenku ay ka dhacdo Dhuusa Marreeb, Khamiis 26-ka Maarso 2020” ayuu yiri Yuusuf Garaad.
Madax kala duwan oo ka socota dowladda Federaalka Soomaaliya, qaar kamid ah Madaxda Maamul Goboleedyada dalka iyo wakiilada beesha calamka ayaa xaflada Caleemo-saarka Madaxweyne Axmed Cabdi Kaariye Qoorqoor iyo ku-xigeenkiisa Cali Daahir Ciid ka qeyb geli doona.
Xafiiska Shabakada Allbanaadir.com
Muqdisho Somalia
Allbanaadir@live.com
