War goordhaw lasoo dhigay barta ay Facebooka ku leedahay taliye kuxigeenka ciidanka booliiska Soomaaliya jeneraal Zakiya Xuseen ayaa lagu shaaciyay in xabsigii uu ku xirnaa ka baxsaday Wasiirkii Amniga Jubbaland Cabdirashiid Xasan Janan.
Jeneraal Zakiya ayaa qoraalka ay soo dhigtay ku sheegtay in Wasiirka Amniga Jubbaland ay ku raad joogaan ciidamada booliiska, waxa ayna shacabka ka codsaday in ay laamaha amaanka soo war galiyaan hadii ay arkaan.
”Wasiirkii hore Amniga Jubbaland Cabdirashid Xasan (Janan) ayaa saakay ka baxsaday halkii u ku xirnaa, heyadaha amniga ayaa ku raad jooga inay gacanta kusoo dhigaan eedeysanahaas oo loo haysto danbiyo kala duwan, shacabkuna ay soo wargaliyaan hadii ay arkaan.” ayaa lagu yiri Qoraalka lasoo dhigay barta ay facebook ku leedahay Jen Zakiya.
Ma jiro ilo kale oo xaqiijiyay warkan marka laga soo tago qoraalka Taliye kuxigeenka booliiska lasoo dhigay barta ay Facebooka ku leedahay, waxaana bartan horey loo soo dhigay warkan oo kale markii Janan dowlada ku xirtay Muqdisho.
Waxii Warar ah ee kusoo kordha warkan kala soco Wararkayaga Dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
