Waxaa maanta magaalada Garawe ee caasimada maamulka Puntland lagu aasay Marxuum Gen. Cabdullaahi Cali Mire (Carays) oo kamid ahaa saraakiisha ciidanka Puntland, Marxuumka ayaana shalay ku geeriyooday magaalada Garawe.
Aaska Jeneraalka waxaa ka qeyb galay Madaxweyaha Maamulka Puntland Saciid Cabdulaahi Deni, Madaxdii hore ee Puntland ,Xildhibaano katirsan labada aqal ee Federaalka, Saraakiil iyo masuuliyiin kala duwan oo katirsan maamulka Puntland.
Gen. Cabdullaahi Cali Mire (Carays) ayaa kamid ahaa saraakiisha ciidanka Xooga Soomaaliyeed, waxa uu sidoo kale soo noqday Taliyaha Ciidanka Daraawiishta Puntland iyo lataliyaha dhinaca Amniga ee Madaxweynaha Puntland.
Xafiiska Shabakada Allbanaadir.com
Muqdisho Somalia
Allbanaadir@live.com
