Hool kuyaala xerada Shiirkole ee magaalada dhuusomareeb waxaa goordhaw ka bilaabatay Doorashada Gudoomiyaha Baarlamaanka maamul goboleedka Galmudug iyo labadiisa kuxigeen.
Kahor inta aysan Doorashada bilaaban Waxaa shaaciyay in doorashada Gudoomiyaha Baarlamaanka Galmudug ka tanaasulay Musharax Cabdulaahi Axmed Calasow oo kamid ahaa musharaxiintii isku soo taagay xilka gudoomiyaha Baaramaanka.
Musharaxan oo goordhaw ka hadlay hoolka ay ka dhaceyso Doorashada ayaa sheegay in uu isaga tanaasulay ka qeyb galka doorashada gudoomiyaha Baarlamaanka arimo isaga u gaar ah.
Waxaa hada isugu soo haray doorashada Gudoomiyaha baarlamaanka Galmudug labo musharax oo kala ah Dr Maxamed Nuur Gacal iyo musharax Cabdinaasir Aadan Cusmaan kuwaa oo midkood doorashada kusoo bixi doono.
Doorasahada ayaa noqon doonta mid lagu kala baxo wareega koobaad waxaana guuleesan doona musharaxii cod badiya labada musharax, waxaana aad loo saadaalinayaa in Musharax Maxamed Nuur Gacal kusoo baxo doorashada.
Waxii Warar ah ee kuso kordha kala soco Wararkayaga dambe Insha Allah
Xafiiska Shabakada Allbanaadir.com
Muqdisho Somalia
Allbanaadir@live.com
