Ugu yaraan labo ruux ayaa u geeriyootay, 70 kalena wey la ildaran yihiin, xanuun aan la garaneyn oo ka dillaacay degaan lagu magacaabo Saaxdheer oo ka tirsan gobolka Sool
Dhakhaatiirta isbitaalka degaanka Saaxdheer ayaa sheegay in xanuunka halkaasi ka dillaacay uu wato calaamado dhowr ah oo ay ugu badan yihiin shuban iyo qufac aad u daran, balse aysan ilaa hadda garaneyn waxa uu yahay iyo.
Mas’uuliyiinta xarumaha caafimaadka ee degaanka Saaxdheer, ayaa sidoo kale sheegay in xanuunka oo si xawli ah ku faafaya uu soo ritay dad kala duwan oo ku nool Saaxdheer iyo dhulka miyiga ah ee ku teedsan degaanka.
Madaxda caafimaadka Saaxdheer ayaa codsaday in gurmad deg deg ah lala soo gaaro, iyagoo sheegay inay gabaabsi ka yihiin daawooyinkii iyo adeegyadii caafimaad ee xarumaha ku yaalla deegaanka, isla markaana bukaandu ay si isdaba joog ah u soo gaarayaan.
Xafiiska Shabakada Allbanaadir.com
Muqdisho Somalia
Allbanaadir@live.com
