Madaxweynaha Somaliland, Mudane Muuse Biixi Cabdi ayaa kulan salaan ah la qaatay wefdigii ka socday maamullada Soomaalida iyo Oromada ee dawladda Federaalka Itoobiya ee booqashada shaqo ku joogay Somaliland.
Wefdiga ka socda Maamullada Soomaalida iyo Oromada oo ay hoggaaminayo madaxweyne-ku-xigeenka is-maamulka Oromada Mrs Chaltu Sani Ibraahim, ayaa kulankooda salaanta ah madaxweynaha kula qaatay xarunta qasriga madaxtooyada Jamhuuriyadda Somaliland.
Waxay labada dhinac iska xog-waraysteen xiriirka soo jireenka ah ee ka dhexeeya Somaliland iyo guud ahaanba Itoobiya, iyagoo Madaxweynaha uga mahadnaqay sida walaaltinimada leh ee uu dalka ugu soo dhaweeyey.
Kulanka Salaanta ah ee uu madaxweynuhu la qaatay weftiga ka socda maamullada Soomaalida iyo Oromada ee dalka Itoobiya waxa ku wehelinayey madaxweyne-ku-xigeenka Jamhuuriyadda Somaliland Mudane Cabdiraxmaan Cabdilaahi Ismaaciil Saylici iyo xubno kamid ah golaha wasiirrada.
Xafiiska Shabakada Allbanaadir.com
Muqdisho Somalia
Allbanaadir@live.com
