Ra’isul Wasaaraha Xukuumada federaalka Soomaaliya Mudane Xasan Cali Kheyre iyo xubno la socda ayaa maanta lagu wadaa in ay gaaraan magaalada Xudur ee xarunta gobolka Bakool.
Magaalada Xudur waxaa ka socda diyaar garow xoogan oo lagu soo dhaweenayo Ra’isul Wasaaraha Soomaaliya iyo wafdiga la socda, waxaana si weyn loo adkeeyay amaanka guud ee magaalada Xudur.
Dadweyne badan oo wata sawirada Ra’isul Wasaare Kheyre iyo boorar soo dhaweyn ah ayaa lagu arkayaa wadooyinka magaalada Xudur, waxa ayna dadku isugu tagayaan goob fagaare ah oo loo qorsheeyay in Ra’isul Wasaaraha kula hadlo shacabka Xudur.
Ra’isul Wasaaraha Xukuumada Soomaaliya ayaa labadii maalin ee lasoo dhaafay ku sugnaa magaalada Baydhabo ee xarunta gobolka Baay, waxa uuna Kheyre ku jiraa safar uu ugu kuurgalayo xaaladaha kala duwan ee ka jira maamulka Koonfur Galbeed.
Xafiiska Shabakada Allbanaadir.com
Muqdisho Somalia
Allbanaadir@live.com
Hoos ka Daawo Muuqaalka wararka Shabakadda Allbanaadir Online 24 saac kasta
