Qarax miino oo dhaliyay khasaaaro isugu jira dhimasho iyo dhaawac ayaa xalay ka dhacay duleedka magaalada Dhoobley ee gobolka Jubada Hoose., waxa uuna qaraxa haleelay gaari ay la socdeen dad shacab ah .
Inta la xaqiijiyay qaraxan waxaa ku dhinta sadex ruux halka ay ku dhaawacmeen sadex qof oo kale, dhamaan dadka qaraxa ay waxyeeladu kasoo gaartay ayaa la sheegay in ay shacab ahaayeen.
Dadka dhaawacyada soo gaareen oo qaarkood halis yihiin ayaa la dhigay isbitaalka Dhoobley , waxaana dhaqaatiirta isbitaalkaasi wadaan dadaalo dadkaasi lagu bad baadinayo.
Qaraxyada miino ee lagu aaso hareeraha wadooyinka ayaa xiliyada qaar waxyeelo xoogan waxa ay kasoo gaartaa dadka shacabka ah ee ku safra wadooyinka lagu aaso qaraxyada miino.
