Gabar ku dhax dhalatay Tareen oo abaal marin loo balan qaaday  !!

Mid kamid ah shirkadaha tareenada ee ka shaqeeya dalka Ireland ayaa balan qaad muhiim ah u sameesay gabar yar oo ku dhax dhalatay tareenkooda xili talaadadii u kala gooshayey magaalooyinka Galway iyo Dublin.

Haweeney kamid aheyd rakaabka tareenka ayaa fool ku dhax qabatay tareenka xili uu safar ku jiray, waxaana haweeneyda foolatay caawiyay oo ilmaha ka dhaliyay dhaqtar iyo kalkaaliso caafimaad oo tareenka la socday.

Shirkada tareenada Ireland ee Iarnród Éireann ayaa gabadha yar ee ku dhalatay tareenkooda abaal marin uga dhigtay in 25-sano ay si lacag la’aan ah ugu safri karto tareenkooda.

Inta badan caruurta ku dhalata diyaaradaha dhaxdooda iyo sidoo kale tareenada ayaa la siiyaa abaal marino ay kamid yihiin in ay ku safri karaan diyaaradahaasi ama tareenada si lacag la’aan ah.

Xafiiska Shabakada Allbanaadir.com
Muqdisho-Somalia

Allbanaadir@live.com