Xoogaga Al-Shabaab ayaa maanta laba qof oo shaqaale samafal ah ka afduubtay tuulo u dhow degmada Doolow ee Gobolka Gedo.
Labada qof oo u kala shaqeynayay hay’adaha Trocaire iyo World vision ayaa laga afduubtay degmada Geedweyne oo qiyaastii 30km dhinaca Bari ka xigta began degmada Doolow.
Labada qof ee la afduubay ayaa ahaa shaqaale Soomaali ah oo lagu kala magacaabo Maxamed Suubow Cabdulle iyo C/laahi Rashiid (Eng. GBS).
Kooxda afduubka geysatay ayaa la sheegay in labada qof ay ula dhaqaaqeen dhanka dhulka miyiga ah ee ay ka taliyaan Al-Shabaab ee Gobolka Gedo.
Mas’uulyiin ka tirsan laamaha amaanka ee Gobolka Gedo ayaa sheegay in labadaan qof la afduubtay xili ay ku guda jireen shaqo ay u tageen degaanka Geedweyne ee Gobboka Gedo.
Xafiiska Shabakada Allbanaadir.com
Muqdisho-Somalia
Allbanaadir@live.com
