Kolonyo gaadiid ah ay wateen ciidamada Kenya ayaa la sheegay in qarax miino lagula eegtay inta u dhexeysa deegaannada Finoow iyo Alcarabiya oo hoostaga magaalada Mandheera ee gobolka Waqooyi Bari Kenya.
Al Shabaab ayaa sheegatay masuuliyada qaraxan ka dhacay duleedka Mandheera, waxaana war kasoo baxay Al Shabaab lagu sheegay in qaraxaasi lagu gubay gaari ay la socdeen ciidanka Kenya.
Warka kasoo baxay Xarakada Al Shabaab ayaa lagu sheegay in qaraxa uu ka dhashay khasaaro isugu jira dhimasho iyo dhaawac soo gaaray ciidamadii saarnaa gaariga qaraxa lala helay.
Dowlada Kenya ayaan wali ka hadlin qaraxan Al Shabaab masuuliyadiisa sheegteen, waxaana marar badan gudaha dalka Kenya ka dhacay qaraxyo iyo weeraro kale ay fuliyeen Al Shabaab.
Xafiiska Shabakada Allbanaadir.com
Muqdisho-Somalia
Allbanaadir@live.com
