Ra’isul Wasaaraha Xukuumada Soomaaliya Xasan Cali Kheyre ayaa maanta shir gudoomiyay kulan dowlada Soomaaliya ugu soo bandhigeysay Beesha Caalamka qorshaha ciidanka Soomaaliya ugala wareegayaan amaanka dalka Ciidamada AMISOM.
Kulankan oo ka dhacay Xarunta Xalane waxaa ka qeyb galay Dowlada Soomaaliya, Wakiilo ka socday Beesha Caalamka, Madax mataleysay dalalka ay kasoo jeedaan ciidamada AMISOM ee Soomaaliya ka howlgala.
Kulankan ayaa maanta intii uu socday waxaa lagu sharaxay qaabka ciidamada qalabka sida ee Soomaaliyeed ay Ciidamada AMISOM ugala wareegayaan sugida amaanka guud ee dalka.
Wasiirka Difaaca Soomaaliya Maxamed Mursal Sheekh ayaa sheegay in qorshahaan oo ay soo diyaarisay dowladda la isla ogolaaday, islamarkaana Beesha Caalamka ay u arkeen mid ku yimid rabitaanka Dowladda Soomaaliyeed oo ay mudantahay in la isla qaato.
Dowlada Soomaaliya ayaa wada qorshe ay ku dooneyso in la xoojiyo lana qalabeeyo ciidanka qalabka sida ee Soomaaliya si sanadaha soo socda ciidamada AMISOM ugala wareegaan sugida amaanka dalka.
Ciidamo ka socdo dhoor wadan oo wata magaca AMISOM ayaa hada Soomaaliya ka howgala, waxa ayna cidamadan qaarkood ilaaliyaan xarumaha Muhiimka ah ee dowlada sida Madaxtooyada Soomaaliya, Garoonka iyo Dekadda Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
