Madaxweyne rump, wuxuu ku dhawaaqay inuu dhexdhexaadiyay Pakistan iyo Hindiya, kaddib wada-hadallo waqti dheer qaatay oo ugu dambeyntii heshiis rasmi ah ay labada dal ka gaareen xiisaddii u dhaxeysay
“Kadib habeen dheer oo uu Maraykanku dhexdhexaadinayey, Hindiya iyo Pakistan waxay ku heshiiyeen xabbad-joojin buuxda oo degdeg ah” ayuu yiri Trump
Haddaba Maxay tahay sababta ugu weyn ee Mareykanka ku kaliftay inuu si deg deg ah u soo fara geliyo dagaalka u dhexeeyay Pakistani iyo Hindiya heshiis xabbad joojina uu dhex dhigo?
Iyada oo asbaabo kaka duwan loo tiirinayo arrintan ayaa waxa hadda si weyn u soo muuqatay sabab muhiim ah oo tilmaamaysa in dagaalkan uusan keliya u dhexeyn quwadaha Hindiya iyo Pakistan balse ay si dadban dagaal uga dhex qarxay tiknoolojiyadda hubka ee reer galbeedka iyo Israa’iil oo Hindiya ku hubaysnayd iyo tiknoolojiyadda hubka Shiinaha oo Pakistan adeegsanaysay.
Hadaba bilawgii dagaalka waxa markiiba awood lagu muquuniyay awoodii ciidan ee Hindiya isku hallaynaysay, waxaana muuqday wax aan cidina suuraysan karin
Hadaba si aan ceeb iyo fadeexooyin kale aysan dagaalka ka soo shaac bixin ayaa Trump isla markiiba xabbad joojin dhex dhigay labada dal sida ay aminsan yihiin falanqeeyaasha dhacdooyinka caalamka.
