Kolonyo gaadiid ah ay wateen ciidamo katirsan AMISOM ayaa maanta qarax nuuca miinada dhulka lagu aaso ah lagula beegsaday deegaanka KM-13 ee kuyaala duleedka magaalada Muqdisho.
Goob joogayaal ayaa ku waramay in ciidamada AMISOM qaraxa lala eegtay xili ay laamiga ku safrayeen, lamana oga ilaa hada khasaaraha ciidamada AMISOM kasoo gaaray qaraxa miino ee lala eegtay.
Ciidamada AMISOM ayaana qaraxa kadib rasaas badan furay, ciidamada ayaa sidoo kale mudo daqiiqado ah xiray laamiga isku xira magaalada Muqdisho iyo duleedkeeda iyagoona gaadiidka wadada ka celinayay.
Qaraxyada miino ayaa caadi ka noqday laamiga isku xira magaalada Muqdisho iyo Afgooye, waxaana qaraxayadan inta badan lala eegtaa gaadiidka dagaalka ay wataan ciidamada AMISOM iyo kuwa dowlada.
Xafiiska Shabakada Allbanaadir.com
Muqdisho-Somalia
Allbanaadir@live.com
