Waxaa saaka dib u loo furay wadooyinka muhiimka ah ee magaalada Muqdisho qaarkood oo saddexdii maalmood ee la soo dhaafay laga xiray gaadiidka dadweynaha.
Ciidamada dowlada ayaa xiray wadooyinkan sababo la xiriira amaanka ka dib markii warar dhinaca sirdoonka ah ay sheegeen in gaadiid lagu fulinayo qaraxyo ismiidaamin ay magaalada ku jiraan.
Xirnaanshiyaha jidadka ayaa saameyn aad u xooggan ku yeelatay dadweynaha Muqdisho, waxaana adkaatay in xaafadaha qaar la isaga gudbo, iyadoo ardayda iskuulada, Jaamacadaha iyo bukaanada loo wado isbitaalada ay noqdeen dadka ugu badan ee wado xiristan ay saameysay.
Ciidamadii ku sugnaa maalmahan wadooyinka xiran ayaa xalay halkaas laga qaaday, taasoo sababtay in inta badan ay isu furmaan socodka gaadiidka u kala goosha magaalada.
Xafiiska Shabakada Allbanaadir.com
Muqdisho Somalia
Allbanaadir@live.com Â
