Weerar Bam gacmeed loo adeegsaday ayaa caawa lagu qaaday saldhigga Booliska degmada Wadajir ee magaalada Muqdisho.
Qaraxa bamka oo meelo badan laga maqlay ayaa lala beegsaday ciidamo Boolis ah oo ku sugnaa saldhiga degmada Wadajir ee Gobolka Banaadir.
Rasaas xoog leh oo daqiiqado yar sociotay ayaa qaraxa ka dib halkaas laga maqlay, taasoo ay hawada u ridayeen ciidamada Booliska ee saldhiga ku sugnaa
Qarax ayaa la sheegay inuu geystay qasaare kala duwan, iyadoo wararku sheegayaan inay ku dhaawacmeen askar ka tirsan ciidamada Booliska. Ciidamada ayaa qaraxa ka dib baaritaan ka sameeyay xaafadaha ka ag-dhow saldhiga degmada Wadajir.
Ma jiro war ku saabsan weerarkan oo ka soo baxay Maamulka iyo saraakiisha amaanka degmada Wadajir, iyadoo qaraxan uusan aheyn kii ugu horeeyey noociisa ee lala beegsado saldhiga booliska Wadajir iyo saldhigyada la midka ah ee ku yaalla caasimada dalka.
Xafiiska Shabakada Allbanaadir.com
Muqdisho Somalia
Allbanaadir@live.com
