Wasiirka Wasaaradda Maaliyadda Xukuumadda Federaalka Soomaaliya C/raxmaan Ducaalle Beyle ayaa magaaladda Muqdisho maanta kulan kula qaatay Wakiilada Wadamada deeq bixiyeyaasha ah ee taageera Soomaaliya
Mudane C/raxmaan Ducaalle Beyle Wasiirka Wasaaradda Maaliyada XFS ayaa sheegay inuu kala hadlay Wakiilada Wadamada deeq bixiyeyaasha ah guulaha & caqabadaha dib u habeynta dhaqaalaha Soomaaliya iyo in laga wada shaqeeyo isbadallo waxtar u leh dalka iyo dadka Soomaaliyeed.
“Waxan Muqdisho ku kulanay wakiilada Wadamada Deeq bixiyayaasha ah, Waxan si hufan uga wada hadalnay guulaha & caqabadaha dib u habeynta dhaqaalaheena, Waxaan si adag uga shaqeynaynaa gaarsiinta dalkeena isbadallo wax tar u leh dalka & Dadka, Waan bogadinayaa taageerada ay nala garan taagan yihiin” ayuu yiri Wasiir Beyle.
Dowladda federaalka ayaa dedaal ugu jirta sidii looga cafin lahaa Somalia deyn gaareysa balaayiin dollar iyo sidii ay u soo daabici laheyd lacag cusub oo shilin Soomaali ah.
Xafiiska Shabakada Allbanaadir.com
Muqdisho Somalia
Allbanaadir@live.com
