Ciidamada booliiska dalka Britain ayaa afar qof ay ku jiraan dhalinyaro Soomaali ah u xiray dil Wiil Soomaali ah maalmo kahor loogu geestay xabsi uu ku xirnaa oo kuyaala Magaalada London.
Khadar Saalax ayaa lagu dhax dilay xabsi ku yaalla Galbeedka Magaalada London. waxaana dilka wiilkan Soomaaliyeed ka dambeeyay dhoor dhalinyaro ah iyagoona dilkiisa u adeegsaday toorey.
Ciidamada booliiska ayaa falkan dilka ah u xiray afar qof oo labo kamid ah la sheegay in ay Soomaali yihiin, waxaana dhalinyarada Soomaalieed ee dilka loo heesto magacyadooda lagu sheegay Axmed Kheyre iyo Khaliif Dhibaseey .
Wali waxaa socda baaritaano ku aadan dilka ka dhax dhacay xabsi kuyaala magaalada London, waxaana dilkan la sheegay in uu ka dhashay rabshado ka dhax dhacay gudaha xabsiga.
Dalka Britain waxaa mararka qaarkood ka dhaca dilal ay isku geestaan dhalinyarada Soomaaliyeed ee dalkaasi kunool, waxaana dhalinyarada qaarkood noqdeen kuwa gaangiistaro ah oo isticmaala muqaadaraatka.
Xafiiska Shabakada Allbanaadir.com
Muqdisho Somalia
Allbanaadir@live.com
