Israel ayaa la sheegay iney duqeyn ka fulisay dalka Yemen qeybaha ay joogaan kooxda Xuutiyiinta ee Iran taageerto
Bartilmaameedka weerarka ay Israa’iil ku qaaday Yemen, waxaa lagu sheegay inuu ahaa taliyaha u sarreya ciidanka Xuutiga Yemen, Maxamed Cumari, sida ay ku warramayaan warbaahinta Israa’iil oo sheegtay inay socoto xaqiijinta in bartilmaameedka lagu guuleystay.
Illaa hadda ma jiro war rasmi ah oo ay sii daayeen ciidanka Israa’iil oo la xiriira, weerarka ay Israa’iil ka geysatay gudaha Yemen in lagu dilay taliyihii guud ee ciidanka Xuutiyiinta, Maxamed Cabdul Kariim Ghumari.
Weerarka wuxuu ahaa mid si deg deg ah loo qaaday, taasoo ah calaamad muujinaysa in bartilmaameed muhiim ah la beegsaday, xilli aysan wali Israa’iil awood u yeelan inay ku dhawaaqdo beegsiga Ghumari.
Warbaahinta Axios oo xiganaysa mas’uul sare oo Israa’iili ah, iyadoo sheegaysa in Israel ay isku dayday inay disho hoggaamiyaha milatariga ee ugu sareeya Xuutiyiinta, balse hawlgalku wuxuu ku dhamaaday fashil, sida axios sheegatay
