War kasoo baxay hay’ada nabad sugida iyo sirdoonka Qaranka Soomaaliya ayaa lagu sheegay in ciidankooda gacanta ku dhigeen sargaal horjooge u ahaa koox kamid ah amniyaadka Al Shabaab ee Muqdisho ka howlgala.
Ciidamada NISA ayaa la sheegay howlgal gaar ah ay fuliyeen shalay oo jimco ah lagu soo qabtay nin hogaamiye u ahaa koox kamid ah raga dilalka qorsheesan ka fuliya magaalada Muqdisho.
”Howlgal qorshaysan oo si taxader leh loo fuliyay ayaa Ciidamada Amaanku 18-ka bishaan, kusoo qabteen xubin hogaamiye u ahaa koox amniyaad ah oo ka howlgala magaalada Muqdisho” ayaa lagu yiri warka kasoo baxay Hay;ada NISA.
Hay’ada nabad sugida iyo sirdoonka qaranka ayaan faah faahin badan ka bixin ninkan a soo xireen magaciisa iyo goobta laga soo qabtay, waxa uuna ninkan hada ku xiran yahay xabsi gaar ah ay leeyihiin ciidanka NISA.
Xafiiska Shabakada Allbanaadir.com
Muqdisho Somalia
Allbanaadir@live.com
