Dhaqan galka Miisaaniyadda Dowladda Federaalka Soomaaliya ee sanadka 2019 ayaa maanta si rasmi ah u bilaabatay ka dib munaasabada ballaaran oo ka dhacday magaalada Muqdisho.
Wasiirka Maaliyadda Xukuumadda Federaalka Soomaaliya Mudane C/raxmaan Ducaale Beyle ayaa maanta si rasmi ah u Daah-furay isticmaalka Miisaaniyadda Dalka ee sanadkan 2019.
Wasiirka Maaliyadda Xukuumadda Soomaaliya iyo Hanti Dhowraha guud ee Qaranka ayaa sheegay in miisaaniyaddii dalka ee 2018 si wanaagsan loo isticmaalay, iyagoo rajo wanaagsan ka muujiyay in midda 2019 si lamid ah iyo si ka sii hagaagsan loo isticmaalo.
Dadaalka ay waddo wasaaradda Maaliyaddda Dalka marka laga soo tago horumarinta dhaqaalaha dalka waxaa sidoo kale kamid ah, qorshe Soomaaliya deymaha looga cafinayo,iyo sidii dalka lacago cusub loogu soo daabici lahaa.
Dhawaan ayay ahayd markii Baarlamaanka Soomaaliya uu ansixiyay miisaaniyadda dalka ee sanadka 2019, iyadoo maanta wixii ka dambeeyey si toos ah loo isticmaali doono.
Xafiiska Shabakada Allbanaadir.com
Muqdisho Somalia
Allbanaadir@live.com
