Wararka ka imaanaya magaalada Baladweyne ee xarunta gobolka Hiiraan ayaa sheegaya in xalay Xaafada Buundoweyn ee magaaladaasi lagu dilay wiil dhalinyaro ah oo lagu magacaabayay Xasan Cabdulle Maxamed.
Dilkan Ninkan dhalinyarada ahaa dhawaana ka qalin jabiyay Jaamacad kutaala magaalada Baladweyne waxaa geestay askari la sheegay in uu katirsanaa ciidanka Dowlada Soomaaliya.
Askariga dilka geestay ayaa isku dayaya in uu baxsado hasa ahaatee howlgalo ay magaalada Baladweyne ka sameeyeen ciidamo katirsan dowlada ayey kusoo qabteen askariga gacan ku dhiiglaha ah.
Ehelada Marxuunka la dilay ayaa dalbaday in cadaalada la horgeeyo askariga wiilkooda dilay, waxaana wali la ogeyn sababta ka dambeysa dilka askarigan u geestay Xasan Cabdulle oo kamid ahaa Dhalinyarada Baladweyne.
Ciidamada dowlada ee ku sugan qaar kamid ah gobolada dalka ayaa mararka qaar hubkii loogu tala galay in ay shacabka ku difaacaan waxa ay dil iyo dhibaatooyin kalaba ugu geestaan dadka shacabka ah.
Xafiiska Shabakada Allbanaadir.com
Muqdisho Somalia
Allbanaadir@live.com
