Wararka ka imaanaya magaalada Baladeyne ee xarunta gobolka Hiiraan ayaa sheegaya in kooxo hubeesan weerar ku qaadeen gaadiid uu la socday Gudoomiye kuxigeenka degmada Matabaan ee maamulka Hirshabelle.
Sida aan Wararka ku helnay gaadiidka uu la socday Gudoomiye kuxigeenka degmada Matabaan ilaalo la socotay ayaa ka tagay magaalada Baladweyne waxa ayna kusii jeedeen degmada Matabaan.
Weerarkan ayaa la sheegay in lagu dilay Gudoomiye kuxigeenkii degmada Matabaan Faarax Nuur Guure (Faarax Dheere), waxaa sidoo kale weerarkan ku dhintay qaar kamid ah askartii ilaalada u aheyd Gudoomiye kuxigeenka.
Ciidamo katirsan Milatariga Soomaaliya ayaa lagu soo waramayaa in ay ku baxeen goobta uu weerarku ka dhacay, waxaana halkaasi laga soo qaaday meydadka Gudoomiye kuxigeenka Matabaan iyo ilaaladii la socotay.
Xafiiska Shabakada Allbanaadir.com
Muqdisho Somalia
Allbanaadir@live.com
