Dowlada Burundi ayaa si adag hor timid dalab uga yimid Midowga Afrika oo ku aadanaa in ay si deg deg ah u dhinto tirada ciidanka Burundi ee qeybta ka ah howlgalka Nabad ilaalinta ee AMISOM.
Afhayeenka Ciidamada Burundi Col. Floribert Biyereke ayaa sheegay dalabka uga yimid Midowga Afrika ee ku aadan horaanta sanadka cusub in Soomaaliya kala baxaan Kun askari ay tahay mid si gaar ah loogu beegsanayo,
Waxa uu sheegay Afhayeenka in wadahadal ka gali doonaan in si isku mid ah wadamada ciidamada ka joogaan Soomaaliya looga wada dhimi lahaa ciidamada AMISOM , waxa uuna xusay in ka xun yihiin in Burundi kaliya lagu amro in ciidankeeda dhinto.
Qoraal kasoo baxay Midowga Afrika oo loo diray dalka Burundi ayaa looga codsaday in ugu dambeyn bisha Febraayo ee sanadka cusub ee 2019-ka Soomaaliya kala baxdo ilaa 1,000 akari oo kamid ah ciidamada AMISOM.
Dalka Burundi ayaa ah dalka labaad ee ciidamada ugu badan ee katirsan AMISOM ka joogaan gudaha Soomaaliya, waxaana Burundi Soomaaliya ka jooga ciidamo gaaraya  5,400 askari.
Xafiiska Shabakada Allbanaadir.com
Muqdisho Somalia
Allbanaadir@live.com
