Waxaa caawa qarax nuuca gawaarida lagu xiro uu ka dhacay isgooska Dabka ee magaalada Muqdisho, waxaana qaraxan laga maqlay qeybo kamid ah magaalada.
Sida aan Wararka ku heleyno gaariga qarxay ayaa taagnaa agagaarka Isgooska Dabka , gaariga ayaana la sheegay xiliga uu qarxayay aysan cidna saarneyn, waxaana labo ruux oo watay gaarigaasi ku sugnaayeen goob aan ka fogeyn halka gaarigu ku qarxay.
Ma jiro ilaa hada khasaaro lasoo wariyay oo ka dhashay qaraxan gaariga lagu soo xiray, waxaana goobta qaraxu ka dhacay soo gaaray ciidamo katirsan booliiska oo baaritaano halkaasi ka sameeyay.
Magaalada Muqdisho ayaa mararka qaar waxaa ka dhaca qaraxyo dadkii lahaa gaadiidka loogu soo xiro, waxaana qaraxyadan inta badan ay khasaaro kasoo gaartaa ruuxa wadata gaariga lagu soo xiro.
Xafiiska Shabakada Allbanaadir.com
Muqdisho Somalia
Allbanaadir@live.com
