Taliye Ku xigeenka Ciidanka Xoogga Dalka ahna ku simaha Taliyaha CXDS, Jeneraal Maadey Nuurey Sheekh ayaa maanta Garoonka Diyaaradaha Aadan Cadde ku soo dhoweeyay Wafdi saraakiil ah oo uu hoggaminaayo Taliyaha Ciidanka Milatariga Dowladda Talyaaniga Generaal Luciano Portolano.
Soo dhoweyn kadib labada dhinac ayaa kawada hadlay iskaashiga labada Ciidan ee Soomaaliya iyo Talyaaniga.
Generaal Luciano Portolano ayaa bogaadiyey guulaha ciidanka Xoogga dalka Soomaaliyeed ka gaareen dagaalka waxa loogu yeeray argagaxisada iyo xaqiijinta amaanka dalka.
Waxaa uu sheegay inuu magaalada Muqdisho u yimid sidii xoojin lahaa iskaashiga Ciidamada talyaaniga iyo kuwa xoogga dalka Soomaaliyeed, gaar ahaan dhinacyada tababarada iyo is dhaafsiga khibradaha dagaalka.
Taliyaha Ciidanka Milatariga Dowladda Talyaaniga Generaal Luciano Portolano ayaa mudado uu joogo magaalada Muqdisho waxaa uu la kulmi doonaa madaxda sare ee DF iyo saraakiisha ciidanka.
