Xisbigii Shaqaalaha Kurdistan ee dagaalka kula jiray Dowlada Turkey ayaa maanta si rasmi ah u xaqiijiyay iney hubka tuureen nabadana qaateen.
Xisbigaan ayaana mudo 40 sano ah dagaal kula jiray dowlada Turkiga waxayna ugu dambeyn go’aansadeen in tabashadooda qaab siyaasadeysan u xaliyaan.
Isdhiibista xisbigaan ayaana imaaneyso kadib markii hogaamiyahooda Cabdullaahi Ooglan oo mudo 26 sano ah u xiran Dowlada Turkey uu ugu baaqay iney hubka dhigaan, xisbiga ayaana shir ay ku yeesheen Waqooyiga Ciraaq ku iclaamiyay u hogaansamida go’aanka hogaamiyahooda.
Warkan ayaana noqon doono mid muhiimad weyn u leh Turkey iyo guud ahaan mandaqada, balse sidoo kale wuxuu dhabar jab ku noqon doonaa Israel oo kooxdaan mar walba soo hubeyn jirtay, si ay Turkiga u dhabar jabiyaan.
Madaxweyne Erdogan, ayaa maanta xaqiijinaya guushii u sarreysay ee uu ka gaarayo ururka PKK ee kurdida, oo 40 sanno kaddib maanta si rasmi ah u shaaciyay inay hubka wareejinayaan, lana kala dirayo dagaalyahannada ururkan.
Kooxdan waxay muddo dheer khatar ku ahayd xasilloonida gudaha Turkiga, iyagoo u dagaallamayay xuquuqda iyo inay madax bannaani helaan gobollada Kurdida ay degganyihiin ee Turkiga , balse wahadallo muddo socday wuxuu Erdogan ku guuleystay in kooxdan ay hubka dhigaan, taa oo hoos u dhigaysa khatarta gudaha.
