Ciidanka xoogga dalka Soomaaliya oo garab ka helayay kuwa dadka deegaanka, ayaa saakay oo Arbaco ah hawlgal qorshaysan waxa ay ka fuliyeen deegaanka Geel-gub ee katirsan gobolka Shabeellaha Dhexe, deegaankaas oo gacanta ugu jiray kooxda Al Shabaab.
Sida aan wararka ku helnay ciidamada huwanta ah, ayaa dhowr jiho ka weeraray deegaanka Ceel-gub ay joogeen dagaalyahannada Al Shabaab , waxa ayna ciidamada u suurto gashay in halkaasi ka saaraan maleeshiyaadka Al Shabaab.
Saraakiisha ciidanka xoogga dalka iyo kuwa dadka deegaanka hoggaamineysa , ayaa sheegay in howlgalka ay kula wareegeen deegaanka Ceel-gub oo wali socda khasaarooyin badan lagu gaarsiiyay kooxda Al Shabaab, ayna wali sii eryanayaan firxadka kooxdaasi.
Ciidanka xoogga dalka Soomaaliya iyo kuwa dadka deegaanka , ayaa bilaabay howlgallo ka dhan ah kooxda Al Shabaab, waxa ayna ciidamada shalay dagaal xooggan la galeen kooxda Al Shabaab oo ay ku weerareen deegaanka Aboorey oo katirsan gobolka Hiiraan.
Xafiiska Shabakadda Allbanaadir.com
Muqdisho Somalia
Allbanaadir@live.com
