Dowladda Mareykanka ayaa qorsheeneysa in ciidamo dheeraad ah u dirto Bariga Dhaxde, kaddib markii ay sii kordheen xiisada dagaal iyo duqeymaha u dhaxeeya ururka hubeysan ee Xisbullaah iyo ciidamada Yahuuda Israa’iil uu Mareykanku taageero.
War kasoo baxay Waaxda Difaaca ee dowladda Mareykanka, ayaa lagu sheegay in ciidamo dheeraad ah u dirayaan Bariga Dhaxe, si ay ciidamadaasi u xoojiyaan ciidamada Mareykanka ee horey u joogay dalal kuyaalla Bariga Dhaxe.
Xoghayaha warfaafinta ee xarunta Pentagon-ka ee Wasaaradda Gaashaandhiga Mareykanka Maj. Gen. Pat Ryder, ayaa xaqiihiyay ciidamada dheeraad ah ee loo dirayo Bariga Dhaxe, mana uusan sheegin tirada ciidamada iyo waxa ay qaban doonaan.
Dowladda Mareykanka ayaa horey Bariga Dhaxe u geysay ciidamo ka badan 40-kun oo askari, waxa ayna ciidamadan u joogaan Bariga Dhaxe sidii Mareykanka ay u ilaalin lahaayeen danahooda iyo danaha yahuuda Israa’iil .
Xafiiska Shabakada Allbanaadir.com
Muqdisho Somalia
Allbanaadir@live.com
