Gaadiid hub siday oo ka yimid dowlad degaanka Soomaalida ayaa la weeraray ka dib markii ay jidka u galeen maleeshiyo hubeysan oo doonayey iney boobaan.
Hubkan oo loo waday Puntland ayaa la sheegay iney gelbinayeen ciidamo ka tirsan dowlad degaanka Soomaalida.
Iska horimaad muddo kooban socday oo ka dhacay degaanka Bookh ee gobolka Doolo ayaala sheegay in looga taag roonaaday maleeshiyadii weerarka soo qaaday, lamana soo sheegin ilaa hadda wax khasaare ah.
Ciidamo ka tirsan Puntland oo ku sugnaa nawaaxiga degmada Galdogob ee gobolka Mudug ayaa la sheegay in ugu dambeyn lagu simay hubkii oo si amaan ah loogu wareejiyey.
Dhowaan ayey aheyd markii sidan oo kale gaadiid hub siday oo ka yimid Itoobiya lagu boobay nawaaxiga degmada Caabudwaq kaasoo ay gelbinayeen ciidan ka tirsan NISA ka dib markii ay jidka u galeen maleeshiyo beeleed hubeysan.
