Madaxweynaha Somalia Xassan Shiikh maxamuud ayaa hambalyo u diray shacabka Soomaliyeed iyo muslimiinta caalamka taasoo ku aadan munaasabada 12ka Mowliid ee dhalashada nebigeena suubanaa Muxamed NNKH.
HOOS KA AKHRISO QORAAL UU SOO SAARAY MADAXWEYNAHA
Bismillahi
Waxaan hambalyo iyo salaan diirran u dirayaa dhammaan shacabka Soomaaliyeed iyo guud ahaan Muslimiinta adduunka, maalinta sharafta leh ee dhalashada Nabigeena Muxamed (Naxariis iyo Nabadgelyo korkiisa ha ahaatee).
Maalintaan barakeysan waa fursad aan ku xasuusanno naxariista, jacaylka iyo caddaalada uu Nabigu u muujiyay Aadanaha. Waa in aan ku dayano wanaagga iyo dhaqanka suuban ee Nabiga, kuna dayano tilmaamihiisa qiimaha badan.
Waxaan Alle weydiisaneynaa in uu nagu karaameeyo Xuska Nabi Muxamed (NNKH) oo naga yeelo kuwa raaca sunnadiisa. Waxaan Ummadda Soomaaliyeed ugu baaqayaa in ay ilaaliyaan midnimada, wadajirka iyo walaalnimada dhexdooda ah.
