Ciidanka Kumandoska Danab ee XDS ayaa sheegay iney burburiyeen goobo ay gabaad ka dhiganayeen Al shabaab oo ku yaalay Tuulo lagu magacabo Xaliimo cadey oo hoostagta Degaanka Buulo xaaji ee Gobolka Jubadda Hoose.
Ciidanka ayaa intii hawlgalku Socday waxay Al shabaab ka dileen dhowr dagaalyahan, iyagoo soo bandhigay hubkii ay ka furteen.
Saraakiisha Ciidanka ayaa sheegay iney ku raad joogaan xubno kale oo ka firxaday goobtaas kuwaasoo u baxsaday dhulka howdka ah ee ku dhow degaankaas.
Maalmo ka hor ayey aheyd markii ku dhowaad 100 dagaalyahan looga dilay Al Shabaab degaanka Buulo Xaaji iyo degaanada ku dhow ka dib markii lagu jebiyey weerar ay soo qaadeen.
