Allbanaadir.com
NEWS

Aadan Madoobe oo Digniin diray kaddib arrin dhacday

Waxaa maanta kooram la’aan u baaqday kulan ay xildhibaannada golaha Shacabka ee Baarlamaanka Federaalka Soomaaliya yeelan lahaayeen, kaddib markii xildhibaanno badan ka baaqsadeen in ay soo xaadiraan kulanka.

Guddoomiyaha Golaha Shacabka ee Baarlamaanka Federaalka Soomaaliya Sheekh Aadan Madoobe ayaa si weyn uga carooday kooram la’aanta uu maanta u baaqday kulanka, waxa uuna sheegay in ay ceeb ku tahay xildhibaannada in kulanka uu maanta iyaga dartood u baaqdo.

Sheekh Aadan Madoobe ayaa sheegay in lala xisaabtami doono xildhibaannada caadada ka dhigtay in kulamada iska baaqdaan, waxa uuna digniin adag hawada u mariyay xildhibaannada fasax la’aan isaga maqan kulamada golaha leeyahay.

“ Wax la aqbali karo ma aha in kulamada golaha kooram la’aan u baaqdaan, xildhibaannada kulamada ka maqnaadana waa la xisaabtameynaa “ ayuu yiri Guddoomiye Aadan Madoobe oo caro xooggan wajigiisa ka muuqatay.

Madaxweynaha Soomaaliya Xasan Sheekh Maxamuud ayaa isbuucii hore furay kalfadhigga shanaad ee Baarlamaanka Federaalka Soomaaliya, waxaana maanta baaqday kulankii ugu horreeyay ee xildhibaannada Golaha Shacabka ay isugu imaan lahaayeen.

Xafiiska Shabakada Allbanaadir.com
Muqdisho Somalia
Allbanaadir@live.com

Related posts

Daawo:-Laftagareen oo markii ugu horeysay hanjabay & qaylo dhaan ka soo yeertay Aqalka sare

Caydiid Ali

Dugsiga Amiin Quran Online oo ah dugsi qurbajoogtu aad uga faa’idaysteen oo qaadanaya arday cusub bishan!

Cabdi Cade

Guddiga Doorashada Galmudug oo shaaciyay tirada Odayaasha la bedelay iyo Qabiiladooda

Cabdi Cade