Madaxweynaha dalka Turkiga Recep Tayyip Erdogan, ayaa sheegay in bariga dhexe aysan u dulqaadan karin dagaal kale, isagoo ku eedeeyay Israa’iil inay khatar ku tahay ammaanka gobolka.
Erdogan Isagoo khadka taleefoonka kula xiriiray dhiggiisa Ruushka Vladimir Putin, Erdogan ayuu sheegay in “rabshadaha joogtada ah ee ka bilowday weeraradii Israa’iil ee Iran ay amniga gobolka oo dhan halis galiyeen”.
Hadal ka soo baxay madaxtooyada Turkiga ayuu ku sheegay in habdhaqanka sharci darrada ah ee xukuumadda Netanyahu uu khatar cad ku yahay nidaamka caalamiga ah, isagoo carrabka ku adkeeyay in gobolka uusan u dulqaadan karin dagaal cusub.
Israa’iil ayaa gantaalo culus ku garaacday dalka Iran, iyaga oo beegsaday xarumaha nukliyeerka Iran iyo sidoo kale taliyaasha ciidamada, taa oo dhalisay in Iran iyana jawaab deg deg ah kabixiso duullaan lagu soo qaaday.
