War-saxaafadeed kasoo baxay dowladda Soomaaliya, ayaa lagu shaaciyay in uu geeriyooday sargaal katirsanaa kooxda Al Shabaab, sargaalkan ayeyna dowladda ku eedeysan in uu maleegay shirqoolo lagu dilay dad badan oo Soomaaliya.
Dowladda , ayaa sheegtay in Cabaas Maxamed Hool, oo ahaa horjoogaha ugu sarreeya ee shirqoolada iyo dhagaraha ay Khawaarijtu ka fuliyaan gobolka Banaadir iyo labada Shabeelle, u geeriyooday dhaawacyo oo ka soo gaaray howlgal qorshaysan oo ciidanka fuliyeen, dhaawacaas ayaana sababay in uu u geeriyoodo.
Warka dowladda kasoo baxay , ayaa lagu sheegay in Cabaas Hool ku biiray kooxda Al Shabaab sannadkii 2007 waxab ayna dowladda sheegtay in sargaalkan uu si toos ah ugu lug lahaa weerarro arxandarro ah oo lagu beegsaday dadka shacabka ah ee ku nool caasimadda Muqdisho.
Xafiiska Shabakada Allbanaadir.com
Muqdisho Somalia
Allbanaadir@live.com
